Dire-diretso ang tirada ni Albie Casiño sa ex-girlfriend na si Andi Eigenmann nang usisain siya ng netizens tungkol sa kontrobersiyal na nakaraan nila.
Hindi kaila sa publiko na si Albie ang itinuro ni Andi na ama ng kanyang panganay na anak nang siya ay nagdalantao noong 2011.
Lumikha ng malaking isyu ang paghingi ng pamilya ni Albie ng DNA test bago akuin ang bata.
Dahil sa isyu, natanggal si Albie sa pelikulang Way Back Home at sa weekly youth-oriented series na Growing Up. Follow-up projects sana ang mga iyon sa tambalan nina Albie at Kathryn Bernardo matapos ang prime-time series nilang Mara Clara.
Dagdag pa rito ang insidenteng pambubugbog kay Albie ng apat o limang lalaking kasama umano ni Andi nang magkrus ang landas ng dalawa sa isang bar sa Makati City noong 2012.
Lumalabas na malalim ang bubog na iniwan kay Albie mula sa yugto ng buhay niyang iyon.
Sa Kumu livestream noong October 26, Martes, inihayag ni Albie na hindi totoong nag-sorry sa kanya si Andi.
"I don't care, dude. I think it’s been long enough. It’s okay for me to talk about it. I guess she moved on.
"So, right, I can finally talk about it now. I don’t mind and I guess I’ll be no holds barred if they ask.
"I’m kind of tired of covering up for her, bro, you know what I mean? I’m not gonna hold my tongue so you can look good anymore," saad ni Albie.
Naganap ang livestream ilang araw bago pumasok si Albie bilang Pinoy Big Brother: Kumunity Season 10 celebrity housemate.